Ուսումնական մեղվանոցը՝ բաց լաբորատորիա
Նախագծի նպատակը.
- ճանաչել մեղվին
- ձևավորել հետաքրքրություն և հոգատարություն մեղուների հանդեպ
- ծանոթանալ և սովորել պահպանել անվտանգության կանոնները
Նախագծի խնդիրները.
- նախապես ծանոթանալ տեղեկատվական նյութին
- սովորողներին հաղորդել մեղուների մասին կարևոր գիտելիքներ
- կազմակերպել մեղվախաղեր
- հետաքրքիր փաստերը ուսումնասիրելով՝ գտնել կապեր մեղվաբուծության և մաթեմատիկայի և այլ գիտությունների միջև
- կազմել խնդիրներ, առաջարկել ընկերներին
- ծանոթանալ նոր բառերի հետ՝ նեկտար, ծաղկափոշի, փեթակ, շրջանակ
- ապրիլ- սեպտեմբեր ամիսներին կազմակերպել հանդիպումներ ուսումնական մեղվանոցում
Նախագծի մասնակիցներ.
սովորողներ, դասավանդողներ, մեղվասերներ
Նախագծի իրականացման ժամանակահատվածը`
Շուրջտարյա
Ընթացքը.
Նախագիծը բաղկացած է 2 փուլից: Մասնակից յուրաքանչյուր դասարան, խումբ պետք է մասնակցի 2 փուլերին:
- Նախապես նախագիծը ուղարկել տվյալ դասարանին, որի հետ պատրաստվում եմ հանդիպել, որպեսզի դասվարի, ընտանիքի անդամների հետ ծանոթանան, պատրաստեն հարցեր: Հանդիպումների ընթացքում զրուցել հրաշագործ մեղուների մասին, քննարկել տեղեկատվական նյութը, փորձել հասկանալ՝ ինչքանով են յուրացրել այն, պատասխանել առաջացած հարցերին:
- Հաջորդ հանդիպումը արդեն Արատեսում կլինի՝ հունիս- սեպտեմբեր ամիսներին: Ճամբարականները կայցելեն մեղվաբուծական լաբորատորիա, կտեսնեն մեղուներին, կծանոթանան մեղվապահական աշխատանքներին, կմասնակցեն այդ աշխատանքներին՝ մեղրաստեղծման շրջանից մինչև մեղրաքամ, պրոֆիլակտիկ ստուգումներից մինչև կերակրում, կանդիի պատրաստում, ձմեռանոց տեղափոխումից մինչև ձմեռանոցից դուրսբերում:
Նախագծի աղբյուրը՝ Արմինե Գոգինյանի բլոգ
Մարգարիտ Թամազյանի բլոգ 